烏拉圭U20強勢劏瓜

2019-06-03 09:28:54 来源:网络

世青盃16強南美對決
今日賽事唔多,以波蘭舉行嘅世青盃16強做主打,阿King度咗條過關,重心係「南美對決」,烏拉圭U20對厄瓜多爾U20。烏拉圭一向係世青盃常客,射手保羅洛迪古斯好運到暈,料可破厄瓜多爾殺入8強,烏拉圭讓平半,上盤有計。

(周一晚11時30分開賽)

足球鞋烏拉圭U20在世青盃有不錯戰績,唔單止連續7屆闖入決賽周,近3屆更兩度殺入4強,今屆同樣保持強勢,分組賽3戰全勝以首名出線16強,上仗最後一場分組賽收起部分主力下,仍以2比0擊敗新西蘭U20,射手保羅洛迪古斯喺補時先至後備入替,竟喺末段執番粒,行運行到落腳趾尾,與隊友達雲龍尼斯同樣累積2球進帳,預計今仗會強陣出擊。另一邊廂,厄瓜多爾U20今屆表現麻麻,直至分組賽尾輪贏墨西哥U20才取得首勝,僅僅攞到其中一支最佳小組第3名身份晉級16強,以其實力難與烏拉圭抗衡。

足球鞋同晚另一場世青盃16強上演「非洲打吡」,塞內加爾U20硬撼尼日利亞U20。塞內加爾頭2場分組賽贏晒,前鋒阿馬度沙格拿今屆有3球進帳,上仗打和波蘭U20一戰更獲准掛免戰牌,抖到夠備戰呢場16強大戰;相反,尼日利亞今屆3戰只得1勝1和1負,效力曼城嘅中場巴舒里奧仍有傷在身,今仗上陣成疑,捧番塞內加爾好過。

哥倫比亞熱身賽攞威
講咗兩場「細路波」,最後玩番場大國腳嘅國際賽,哥倫比亞主場迎戰巴拿馬。哥倫比亞為備戰嚟緊嘅美洲國家盃,今次精銳盡出,法卡奧、占士洛迪古斯、古達度及杜雲沙柏達等猛將全部入選,今場熱身賽可搵巴拿馬祭旗壯聲威,直取讓球主勝。

大型单机游戏媒体 游戏网 竞技游戏综合门户 诗尼曼官方商城 联合游戏-快乐每一天! 香河家具城官方网站 光明家具 51pk游戏网 中国家具网 圣奥家具